DGworld
Wednesday, April 23, 2014
प्रासंगिका...
1-
माझे मला कळेना
मी काय पुण्य केले
नशिबात आज माझ्या
हे शब्दभोग आले
खोलात मी कशाच्या
मज तोलवीत नाही
व्याजात खोट आहे
मुदलास भीत नाही!
------------------
2-
आनंदाच्या खांद्यावर
डोकं ठेवून मी
समाधानानं डोळे मिटले
.... अन दु:खाला वाचा फुटली!!
------------------
3-
हे शब्द असे
ओघळले...
कधी गळले
मज ना कळले!!
-------------------
4-
पाहून त्या कवीला
कविताच लुब्ध झाली
अन शब्द शोधताना
प्रतिभाच स्तब्ध झाली
--------------------------------
5-
मद्याच्या प्याल्यामध्ये
मिसळावी कविता थोडी...
अन धुंद मैफिलीची
चाखावी न्यारी गोडी...
-------------------------
6-
घेऊनिया शब्द
उसने उधार
काढुनिया धार
काव्यात कोंबतो...
शब्दाशी झोंबतो...
शोधतो आरपार
मनावर भार
उगी माझ्या!!
------------------------
7-
समजेना मजला काही
ते शब्द हरवले कोठे...
आता तर मिनिटाआधी
पेनाला लटकत होते!!
-----------------------
8-
सूर्याच्या बेंबीतून निथळणाऱ्या
पाण्याच्या थेंबावर पोसलेल्या
कवितेचे चार चतकोर तुकडे जोडून
मी बनविला आख्खा चंद्र पौर्णिमेचा !!
-----------------------------
9-
एका हिरव्या गाण्याच्या गांडीला
सकाळी सकाळी सुटली खाज..
लोटा घेऊन पळत सुटले
शुष्क झाडाच्या आडोशाला बसले...
खाज काही शमेना
सावलीत मन रमेना
लोटा होता गळका
कावळ्याला आला पुळका
फांदीवरून बघताना
त्यानं फेकला एक दगड
ओरडून म्हणाला,
हा घे गांड रगड!!
दगडाला होती चांगली धार
गांडीची साले गेली फार
घरी जाऊन लावले मलम
हिरवे गाणे पडले नरम!!
गेयतेच्या बैलाला ढोल!!
-----------------------------------
Feedjit Live Blog Stats
Feedjit Live Blog Stats
No comments:
Post a Comment
Newer Post
Older Post
Home
Subscribe to:
Post Comments (Atom)
No comments:
Post a Comment