तळव्याएवढ्या
स्क्रीनवर फिरणारं
पांढरं धुरकट चक्र
अदृश्याचा पाठलाग करत
वेग वाढवू लागतं,
डाव्या कोपऱ्यातली
फोरजीची अक्षरं
दमछाक होऊन
टाकू लागतात धापा
गुपचूप, लपूनछपून...
‘फोर’च्या कोपऱ्यातून
उमटतात विषण्ण उसासे
भिजल्या अक्षराच्या डोळ्यात
वाहत जातो एक अश्रू...
हात जोडून म्हणतो,
माफ कर,
घरघर लागलीय...
शेवटी प्रश्न ‘इम्युनिटी’चा आहे...
तुमची वीजदेखील आता
‘ग्रीन’ राहिलेली नाही...
कोळशाच्या राखेची पुटं
अंगावर घेत वाहताना
आमचीही फुफ्फुसं
काजळीनं भरलीत खचाखच...
पण
थोडे प्रोटीन्स मिळाले तर
आम्हीही पुन्हा होऊ
‘फोरजी’ शक्तीमान...
पळवून लावू त्या फिरत्या चक्राला
‘बफरिंग झोन’च्या पलीकडे!
स्क्रीनवर फिरणारं
पांढरं धुरकट चक्र
अदृश्याचा पाठलाग करत
वेग वाढवू लागतं,
डाव्या कोपऱ्यातली
फोरजीची अक्षरं
दमछाक होऊन
टाकू लागतात धापा
गुपचूप, लपूनछपून...
‘फोर’च्या कोपऱ्यातून
उमटतात विषण्ण उसासे
भिजल्या अक्षराच्या डोळ्यात
वाहत जातो एक अश्रू...
हात जोडून म्हणतो,
माफ कर,
घरघर लागलीय...
शेवटी प्रश्न ‘इम्युनिटी’चा आहे...
तुमची वीजदेखील आता
‘ग्रीन’ राहिलेली नाही...
कोळशाच्या राखेची पुटं
अंगावर घेत वाहताना
आमचीही फुफ्फुसं
काजळीनं भरलीत खचाखच...
पण
थोडे प्रोटीन्स मिळाले तर
आम्हीही पुन्हा होऊ
‘फोरजी’ शक्तीमान...
पळवून लावू त्या फिरत्या चक्राला
‘बफरिंग झोन’च्या पलीकडे!
No comments:
Post a Comment