हे एक दृश्य आता किती काळ छळणार?
माहीत नाही!…
“भाव गिर गया, भाव गिर गया” असं ओरडत त्याने पिंजऱ्यात हात घातला.
एक कोंबडी पकडली.
तिचा कलकलाट आसपास घुमला…
पायावरच्या पंज्याच्या पकडीतून सुटण्यासाठी तिने
पंखांची
निष्फळ फडफडही केली.
ती ओरडतच होती.
त्याने बाजूच्याच एका प्लास्टिकच्या टबावर तिला धरले,
आणि
उजवा पंजा तिच्या मानेभोवती पिरगाळला गेला.
क्षणात ती फडफड, तो कलकलाट शांत, मृत झाला…
फटाफट कातडीवरची पिसं काढून
क्षणापूर्वीचा तो जिवंत जीव
निर्जीवपणे समोरच्या तारेवर टांगून
तो पुन्हा कर्कश्शपणे ओरडला,
“भाव गिर गया!”….
समोर दोनचारजण नोटा हातात धरून उभेच होते!!!
No comments:
Post a Comment